Menu

NNHS INSET, matagumpay sa unang araw!

“Pagpapatuloy, Pagtutulungan, Pag-Unlad: Pag-abot sa Distance Learning sa pamamagitan ng Inobasyon at Pagtutulungan’, ang tema ng In-Serve Training (INSET) ng Navotas National High School (NNHS).

Ang unang araw ng Birtuwal INSET ng NNHS ay naganap noong Enero 31, 2022 gamit ang platform ng Zoom, sa ganap na ika-9:00 ng umaga. Ito ay pinangunahan ng kagawaran ng Ingles at Araling Panlipunan sa pamumuno nina Gng. Eloisa F. Ababat at Ria F. Dela Cruz.

Naging makasaysayan ang unang araw ng INSET na ito sapagkat dito inilunsad ang Kauna-unahang Internasyonal na  Pang-Institusyong Pakikipagsosyo o Pag-anib ng Navotas National High School sa internasyonal na samahang International Society of Teachers, Administrators and Researchers o ISTAR. Ito ang kauna-unahang international partnership ng NNHS kung saan ang mga guro ay makakaroon ng maraming opurtunidad sa iba’t ibang internasyonal na binhisipan at wokshap di lamang sa edukasyon maging sa riserts.

Tinangggap ni Dr. Rommel V. Tabula, nagtatag at Presidente ng ISTAR,  ang pang-institusyong pakikipagsosyo ng NNHS sa pamamagitan ng paggawad ng sertipiko ng institusyonal na pakikipagsosyo.  Kasunod ng pagtanggap ng sertipiko ng institusyonal na pakikipagsosyo  ay iniwan niya ang mga kataga ng panghihikayat…”Let’s strengthen this collaboration, let us support one another not only for our personal growth but for the institution as a whole.”

Ibinahagi  ni Dr. Marco D. Meduranda, OIC-Principal ng paaralan, ang kanyang 5 Point Agenda kung saan ito ang magiging tunguhin ng buong NNHS.

Sa ikalawang bahagi ng INSET ay isinagawa ang gawaing pangkagawaran. Ang gawain ng bawat kagawaran ay rebyuhin ang kanilang mga proyekto at gawain sa taong kasalukuyan. Bawat kagawaran ay sabay-sabay na naka-stream via NNHS Faculty Development Portal habang isinasagawa ang kanilang gawain.

Sa kabuuan ay naging matagumpay ang unang araw na ito sapagkat naging positibo ang pagtanggap ng lahat ng guro sa bagong normal o paraan ng pagsasagawa ng birtuwal inset.

 

Inihanda ni:

                ANNA LIZA A. ADIER

        Puno ng Kagawaran, Filipino